Àwọn ọmọ ìbílẹ̀ Yorùbá, l’aná òde yí, ti ṣe kìlọ̀kìlọ̀ tí ó l’agbára gidi fún ọkùnrin òyínbó apa’nìyàn nì; Bill Gates.
Orílẹ̀-Èdè Yorùbá jẹ́ Orílẹ̀-Èdè Olómìnira ti ara rẹ̀. Gbogbo ìgbésẹ̀ tí orílẹ̀-èdè Nigerí àti àwọn gómìnà Nigeria, tí wọ́n ngbé l’orílẹ̀-èdè Yorùbá, gbogbo ẹ̀ pátápátá l’a nkójọ pọ̀ gẹ́gẹ́bí ẹ̀rí. Share on X
Ṣé gbogbo wa ni a ti mọ̀ wípé Bill Gates jẹ́ ẹni tí ó máa nsọ wípé iye àwọn tí ó wà l’ayé yi ti pọ̀ jù, àti wípé nṣe ni àwọn máa dín iye ènìyàn tí ó wà l’ayé kù.
Bẹ́ẹ̀ náà ni a mọ̀ wípé, àwọn òyìnbó yí, èyí tí Bill Gates kàn jẹ́ agbẹnusọ fún, wọ́n kó’ríra aláwọ̀dúdú tó bẹ́ẹ̀ gẹ́ tí ó jẹ́ wípé, oríṣiríṣi ọ̀nà, l’ati ìgbà dé ìgbà, ni wọ́n máa nlò, tí wọ́n sì máa nwá, l’ati ṣe ìpal’ra, àti l’ati ṣe ikú pa àláwọ̀dúdú.
Ká Ìròyìn: Tí o bá fẹ́ sọ ẹ̀yàk’ẹyà di ẹrú, gba èdè àti ìtàn wọn – Wendall Donelson
Ọ̀pọ̀l’ọpọ̀ ìgbà ni wọ́n ti da oríṣiríṣi àìsàn àti àrùn sí ìgboro ayé, tí ó sì jẹ́ wípé kí aláwọ̀dúdú ṣáà ti parun kúrò l’orí ilẹ̀ ayé yí náà ni!
Ṣe bí a rántí ẸBÓLÀ. T’orí aláwọ̀dúdú ni wọ́n ṣe gbeé sí’ta. Ṣùgbọ́n, Èdùmàrè tí ó ṣe ẹ̀dá aláwọ̀dúdú; ó ràn wá l’ọwọ́, títí tí a ṣáà bo’rí ẹ̀bólà ní’gbà náà l’ọhún, tí kò rí wa gbéṣe tóbẹ̀ẹ̀jùbẹ́ẹ̀ lọ, bí ó ti’lẹ̀ jẹ́ wípé a pa’dánù ẹ̀mí, ṣùgbọ́n tí kò dàbí irúfẹ́ ipele tí àwọn ẹni ibi wọ̀nyí rò fún àwa adúláwọ̀.
Bẹ́ẹ̀ náà ni ìgbà tí wọ́n ti kọ́kọ́ gbé àrùn HIV/AIDS sí’ta; àwa aláwọ̀dúdú yí náà ni wọ́n fẹ́ fi kó kúrò ní’lẹ̀, ṣùgbọ́n tí ó jẹ́ wípé àwọn òyìnbó ọ̀ún fún’ra wọn ni gbogbo nkan wọ̀nyí sábà máa nṣ’ọṣẹ́ fún jù!
Ṣé a ti gbàgbé ti Covid-19 ni? Àwa yíi náà ni wọ́n l’erò wípé òkú wa máa sùn káàkiri orí ilẹ̀ Áfríkà, gẹ́gẹ́bí ìyàwó Bill Gates ọ̀ún ṣe sọ ní àkókò náà l’ọhún!
Ká Ìròyìn: Bill Gates – Ìránṣẹ́ Apànìyàn Tí Àṣìtáánì Nlo Lati Ṣe’Jàǹbá Fun Aláwọ̀dúdú
Ṣe bí ara iṣẹ́ ibi wọn náà ni irúfẹ́ ají’lẹ̀ aburú tí a mú ìròhìn rẹ̀ wá báa yín wípé òun l’ó ba ilẹ̀ àwọn Nàìjíríà – ìlú tí ó f’ẹ̀gbẹ́ tì wá – jẹ́, ṣùgbọ́n tí Olódùmarè kó wa yọ, nígbànáà, tí wọn ò kó irúfẹ́ ají’lẹ̀ náà dé ọ̀dọ̀ wa!
Ìgbà tí wọ́n ti ríi wípé oríṣiríṣi ọgbọ́n tí àwọn ndá l’ati pa’lẹ̀mọ́ aláwọ̀dúdú kúrò l’orí ilẹ̀ ayé yí, kò bọ́ si, òun ni wọ́n tún ṣe ngbìmọ̀ àti máa ta irúgbìn ol’oró fún àwọn ènìyàn wa!
Bill Gates yíi náà ni wọ́n máa nlò l’ati ṣe agb’odegbà wọn, l’ati fọ’hùn sí’ta tí wọ́n bá ti fẹ́ ṣe ọ̀pọ̀l’ọpọ̀ ohun burúkú wọ̀nyí.
Ká Ìròyìn: Ọmọ Yorùbá, Ẹ Jẹ́ Kí A Kíyèsíara Nípa Òògùn Lílò
Àwọn ọmọ ìbílẹ̀ Yorùbá ti wá ṣe ìkìlọ̀ tí ó l’agbára fùn ìránṣẹ́ àṣìtáánì, Bill Gates yí, wípé gbogbo ìwà aburú àti ìwà ìṣe’kúpani, tí ó nṣe agbódegbà fún àwọn òyìnbó l’ati máa ṣe yẹn; kí ó má ṣe é dé ilẹ̀ Yorùbá o, tí kò bá ti fẹ́ kan ìdin nínú iyọ̀, tí kò sì fẹ́ kú ikú tí ẹnìkan kò kú rí!
Wọ́n kìlọ̀ fún un wípé, kí ó lọ ṣe ìwádi Yorùbá dáradára, kí ó lè mọ̀ wípé Yorùbá kúrò ní ẹni tí òun le gbé gìgísẹ̀ sí, àti wípé gbogbo ohun tí ó nṣe ní Nàìjíríà yẹn, kí ó má jẹ́ kí ó kọjá ré wá sí ilẹ̀ Yorùbá o! Àfi tí ó bá fẹ́ parun, kí wọ́n mọ́ gbọ orúkọ ìdílé ẹ̀, mọ́ l’ayé.
Ọmọ ìbílẹ̀ Yorùbá sọ fún Bill Gates wípé, a mọ àwọn tí ó rán-an ní’ṣẹ́ o, àti wípé ìránṣẹ́ l’asán l’ó jẹ́ fún wọn; kí ó lọ bérè l’ọwọ́ àwọn babanlá ẹ̀, kí ó mọ̀ wípé òun ò gbọ́dọ̀ ṣe pálapàla dé ọ̀dọ̀ ìran Yorùbá.
Ọmọ ìbílẹ̀ Yorùbá sọ fún Bill Gates wípé ìwà burúkú t’ó nhù wọ̀nyí, a mọ ìtàn àwọn babanlá ẹ̀, a mọ̀ wípé l’at’ọ̀dọ̀ wọn l’ó ti j’ogún ìwà ìkà wọ̀nyí wá, bẹ́ẹ̀ ni, tí kò bá ṣọ́’ra, a máa tú ìfun ẹ̀ sí ìgboro ayé, t’orí a mọ àwọn t’ó rán-an ní’ṣẹ́.
Ká Ìròyìn: Ajílẹ̀ Aburú Ti Ba Nkan Jẹ́ Ní Ìlú T’ó F’ẹ̀gbẹ́ Tì Wá
Gbogbo èyí tí ó nṣe ní Nàìjíríà yẹn, kí ó má gbe dé ilẹ̀ Yorùbá o! Bẹ́ẹ̀ ni kí ó kìlọ̀ fún wọn, bákannáà, ní Nàìjíríà, wípé oun tí òun bá ṣe l’ọdọ̀ wọn l’ọún, kí Nàìjíríà má ṣe tàgẹ̀rẹ̀ irúfẹ́ ohun bẹ́ẹ̀ wá sí ilẹ̀ Yorùbá o!
