A kọ ìwé yí sí: AJAY BANGA ÀÀRẸ ÌKẸ́RÌNLÁ TI ÀJỌ BÁNKÌ ÀGBÁYÉ
Ààrẹ Àjọ Bánkì Àgbáyé,
AṢÀKÓSO-ADELÉ ní ORÍLẸ̀-ÈDÈ OLÓMÌNIRA TIWANTIWA ti YORÙBÁ, èyí tí MOBỌ́LÁJÍ ỌLÁWÁLÉ AKINỌLÁ ỌMỌ́KỌRẸ́ (tí ó jẹ́ ÀÀRẸ) nṣe Olórí fún, nfi àkókò yí fi tó yín léti, pé, Ilẹ̀-Aṣàkóso-Ara-Ẹni ti ORÍLẸ̀-ÈDÈ OLÓMÌNIRA TIWANTIWA TI YORÙBÀ, kìí ṣe ara Nàìjíríà mọ́, èyí tí Nàìjíríà ọ̀ún fúnra rẹ̀ jẹ́ ètò àwọn amúnisìn.
Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, a ti GBA ÌDÁNIMỌ̀ wa PADÀ. Bẹ́ẹ̀ náà ni a ti GBA ÌJẸ́-ORÍLẸ̀-ÈDÈ wa PADÀ, ÀTI ÌṢÀKÓSO-ARA-ẸNI WA bákannáà – gbogbo ìwọ̀nyí nípa OORE-Ọ̀FẸ́ ỌLỌ́RUN OLÓDÙMARÈ, èyí tí ó sì jẹ́ ÀGBÀYANU. Ilẹ̀-Àjogúnbá wa, ti padà di ORÍLẸ̀-ÈDÈ AṢÀKÓSO-ARA-ẸNI, èyí tí orúkọ rẹ̀ sì njẹ́ ORÍLẸ̀-ÈDÈ OLÓMÌNIRA TIWANTIWA TI YORÙBÁ.
Pẹ̀lú OORE-Ọ̀FẸ́ àti ÀÁNÚ ỌLỌ́RUN OLÓDÙMARÈ, Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, a ti ṣe ÌKÉDE ÒMÌNIRA wa ní àṣeyọrí. A ṣe eléyi ní Ogúnjọ́ Oṣù Bélú, Ẹgbàá-Ọdún ó lé Méjìlélógún. Bẹ́ẹ̀ náà ni a ti ṣe ÌGBÀPADÀ ohun-ìní wa, ní Ọjọ́ Kéjìdínlógún, Oṣù Ọ̀pẹ, Ẹgbàá-Ọdún ó lé Méjìlélógún bákannáà.
A sì ti ṣe ÌPOLONGO ÌṢÀKÓSO-ARA-ẸNI wa ní Ọjọ́ Ẹtì, Ọjọ́ Kéjìlá, Oṣù Igbe, Ẹgbàá-Ọdún ó lé Mẹ́rinlélógún. Ní ọjọ́ kannáà yí, Ọjọ́ Ẹtì, Ọjọ́ Kéjìlá, Oṣù Igbe, Ẹgbàá-Ọdún ó lé Mẹ́rinlélógún, ni a sì ṣe ÌBÚRA-WỌLÉ fún MOBỌ́LÁJÍ ỌLÁWÁLÉ AKINỌLÁ ỌMỌ́KỌRẸ́, gẹ́gẹ́bí OLÓRÍ (èyíinì, ÀÀRẸ) ORÍLẸ̀-ÈDÈ OLÓMÌNIRA TIWANTIWA TI YORÙBÁ.
ỌLỌ́RUN OLÓDÙMARÈ ni ó fi AGBÁRA-Ọ̀RUN Dá Àwa Ọmọ Ìbílẹ̀ Yorùbá, láti ìgbà Ìwásẹ̀, gẹ́gẹ́bí Ìran Yorùbá. ỌLỌ́RUN OLÓDÙMARÈ yí náà sì gbé wa kalẹ̀, t’Ògo-t’Ògo, sí orí Ilẹ̀-Àjogúnbá wa, èyí tí àwọn ènìyàn mọ̀, káàkiri, gẹ́gẹ́bí ILẸ̀-ÌṢÀKÓSO YORÙBÁ. Wọ́n tún mọ̀ọ́ sí AGBÈGBÈ-ÌṢÀKÓSO YORÙBÁ; ORÍLẸ̀-ÈDÈ YORÙBÁ, àti ILẸ̀ YORÙBÁ. Àwa Ọmọ Ìbílẹ̀ Yorùbá, a jẹ́ Ìran kan gbòógì, tí a sì ní ilẹ̀-ibùgbé wa ní apá Ìwọ̀-Oòrùn Áfríkà.
ORÍLẸ̀-ÈDÈ YORÙBÁ, tí a tún mọ̀ sí ILẸ̀-ÌṢÀKÓSO YORÙBÁ, AGBÈGBÈ-ÌṢÀKÓSO YORÙBÁ, àti ILẸ̀ YORÙBÁ, ti wà ní ìkàlẹ̀, ní àgbáyé yí, kí ó tilẹ̀ tó dí àkókò tí wọ́n ṣe àgbéjáde àwòrán-àlà-ilẹ̀ (máàpù) tí a ṣe àfihàn rẹ̀ sínú ìwé tí a kọ yí. Láti ayébáyé, láti ìgbà ìwásẹ̀, ni Àwa Ọmọ Ìbílẹ̀ Yorùbá ti wà ní orí Ilẹ̀-Ajogúnbá wa, Ilẹ̀ Àwọn Babanlá-Baba Wa. Láti ìgbà tí Àkókò ti nbẹ.
A ṣe àfihàn àwòrán-àlà-ilẹ̀ (máàpù) Áfríkà, ọ́ún, sí ìhín yí, tí wọ́n ṣe fún àkókò Ẹgbẹ̀fà Ọdún, sí Ẹgbẹ̀jọ Ọdún, tí ó sì fihàn, kedere, pé YORÙBÁ ti wà ní ìkàlẹ̀ kí ó tó dí àkókò náà; bẹ́ẹ̀ náà ni ó fi àwọn ìlú wa, Ọ̀YỌ́, IFẸ̀, àti bẹ́ẹ̀ bẹ́ẹ̀ lọ, hàn bákannáà.
Kí àwọn amúnisìn ó tó wá sí ilẹ̀ wa, ó lé ní ẹgbàá ọdún ṣáájú àkókò náà, tí Àwa Ọmọ Ìbílẹ̀ Yorùbá ti ngbé ìgbé-ayé rere, tí a ti ngbá-yìn-ìn nínú Ọrọ̀, Ọgbọ́n, Ọlà, Ìtẹ̀síwájú, Ìdàgbàsókè; tí a sì ní Èto-Ìṣàkóso-Ìlú tí ó Dára, tí a sì ngbé ní àwọn Ìlú tó Gbòòrò lọ́pọ̀lọ́pọ̀ àti àwọn Ìlú Nlánlá míràn, tí gbogbo wọn sì jẹ́ ìlú tí ó ní ìpìlẹ̀ àti ètò-àkóso tó dájú.
Ìtàn fi hàn, pé, Àwa Ọmọ Ìbílẹ̀ Yorùbá, ti ní ọ̀pọ̀lọ́pọ̀ Ilẹ̀-Ìṣàkóso tí ó jẹ́ Ológo (Ilẹ̀-Ìṣàkóso Ifẹ̀, Ilẹ̀-Ìṣàkóso Ìjẹ̀bú, Ilẹ̀-Ìṣàkóso Ẹ̀gbá, àti àwọn míràn). Bẹ́ẹ̀ náà ni a tí ní àwọn Àgbáyamúyamù Ilẹ̀-Ìṣàkóso méjì tí ó ní Ògo – èyíinì, Àgbáyamúyamù Ilẹ̀-Ìṣàkóso ti Ọ̀yọ, Àti Àgbáyamúyamù Ilẹ̀-Ìṣàkóso ti Bìní.
A tilẹ̀ rí àkọsílẹ̀ rẹ̀, pé, “Ní Àkókò Ẹgbẹ̀sán-Ọdún sí Ẹ̀ẹ́dẹ́gbẹ̀wá-Ọdún, Àgbáyamúyamù Ìṣàkóso-Ọ̀yọ́ jẹ́ ọ̀kan nínú àwọn Àgbáyamuyamù Ilẹ̀-Ìṣàkósó tí ó ga jùlọ káàkiri Agbègbè Ìwọ̀-Oòrùn Áfríkà.
Àwọn olùkọ̀tàn kan, pàápàá, ti lẹ̀ sọ pé nígbàtí Àgbáyámúyamù Ilẹ̀-Ìṣàkóso Ọ̀yọ́ wà ní peléke ògo rẹ̀, wọ́n fií wé Àgbáyamúyamù Ilẹ̀-Ìṣàkóso Gẹ̀ẹ́sì.” Bẹ́ẹ̀ náà ni wọ́n kọọ́ sílẹ̀, wọ́n ní pé, “Láìsí àní-àní, Ìran Yorùbá ní ó jẹ́ Ìran tí wọ́n ngbé ìgbé-ayé Ìlú-Nlánlá jùlọ ní gbogbo ìran tí ó wà ní Afríkà. Àti pé ìdá-àwọn ọmọ Yorùbá tí ó ngbé ní àwọn Ìlú-Nlánlá, ó farapẹ́ ti àwọn oríṣiríṣi ìran-orílẹ̀-èdè Òyìnbó.
Káàkiri Àgbáyé ni wọ́n ti mọ Àwa Ọmọ Ìbílẹ̀ Yorùbá gẹ́gẹ́bí Orílẹ̀-Èdè – gẹ́gẹ́bí ìtúmọ̀ Orílẹ̀-Èdè, ní gidi àti ní òtítọ́, ṣe jẹ́. Agbègbè-Àjogúnbá Ìran Yorùbá jẹ́ ORÍLẸ̀-ÈDÈ láyè tirẹ̀. Ilẹ̀ Àjogúnbá wa ọ̀ún ni a sì wà, tí a ngbé.
Ohun tí ó njẹ́ Ilẹ̀ Àjogúnbá, tàbí Agbègbè Àjogúnbá, ni àwọn Ilẹ̀, Agbègbè, àti Àwọn Ohun-Àmúṣọrọ̀, tí ó jẹ́ pé ìran-ọmọ-ìbílẹ̀ kan pàtó, tàbí agbègbè-àkójọpọ̀ àwọn ọmọ-ìbílẹ̀ kan pàtó, ni ó ní ibẹ̀. Ẹ̀tọ́ wọn sí ilẹ̀ náà sì jẹ́ ohun tí a gbọ́dọ̀ Dáàbò-bò láti ri pé ẹníkẹ́ni yàtọ̀ sí àwọn ọmọ-ìbílẹ̀ ọ̀ún kò tàgẹ̀rẹ̀ tàbí jẹgàba sí orí-ilẹ̀ náà.
Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, a jẹ́ ÌRAN TÍ Ó NÍ ÀṢẸ-ÌṢÀKÓSÓ-ARA-ẸNI, a sì fúnra wa yàn láti tọ ọ̀nà tí ó mú Ọ̀wọ̀ dání, àti ọ̀nà Ìkànìyàn-sí, àti Iyì; èyí ni ó fi jẹ́ pé ipasẹ̀ àlááfíà ni a lò láti fi JÁDE kúrò ní Nàìjíríà, tí a sì fi gbogbo àwọn ipasẹ̀ tí a tọ̀ náà sí àfihàn níwájú ÀJỌ ÀGBÁYÉ àti síwájú ó fẹ́rẹ̀ jẹ́ GBOGBO ORÍLẸ̀-ÈDÈ NÍ ÀGBÁYÉ.
Ìgbà àkọ́kọ́ ni èyí, ní ìtàn Áfríkà ní ayé-òde-òní, tí irúfẹ́ JÍJÁDE kúrò ní ibikan bẹ́ẹ̀ wáyé, láìsí ìjà, rúkèrúdò tàbí ogun. Eléyi jẹ́ ohun tí OLÓDÙMARÈ fúnra Rẹ̀ ṣe. Bí ó tilẹ̀ ti jẹ́ pé, lóotọ́, Àwa Ọmọ Ìbílẹ̀ Yorùbá, Ìran tí ó ní Àṣẹ Ìṣàkóso-Ara-Ẹni ni wá, tí ìran wa àti ilẹ̀ wa kò ní àbùlà, tí gbogbo ìwọ̀nyí sì túmọ̀ sí pé, a ò nílò àṣẹ lọ́dọ̀ ẹnikẹ́ni, tàbí pé kí á ṣe àlàyé fún ẹnikẹ́ni, kí á tó JÁDE kúrò ní Nàìjíríà; èyí tí ó jẹ́ pé ètò-amúnisìn ni, tí ètò náà, pàápàá, tilẹ̀ ti jásẹ̀ láti ẹgbàá-ọdún ó lé mẹ́rinlá; síbẹ̀ náà, a ṣì fi jíjáde wa ọ̀ún tó àwọn ORÍLẸ̀-ÈDÈ káàkiri ÀGBÁYÉ léti – ó fẹ́rẹ̀ẹ́ tó gbogbo orílẹ̀-èdè pátá tí ó wà ní àgbáyé.
Nípa OORE-Ọ̀FẸ́ Àgbàyanu ti ỌLỌ́RUN OLÓDÙMARÈ, ipasẹ̀ àlááfíà tí a tọ̀ yí, láti JÁDE kúrò nínú Nàìjíríà, ipasẹ̀ náà gba Àwa Ọmọ Ìbílẹ̀ Yorùbá ní àkókò tí ó lé ní ọdún méjì (2) – kí ó tó wá di ijọ́ tí a ṣe Ìbúra-Wọlé fún MOBỌ́LÁJÍ ỌLÁWÁLÉ AKINỌLÁ ỌMỌ́KỌRẸ̀, gẹ́gẹ́bí Olórí ÌṢÀKÓSO-ADELÉ [Ààrẹ̀] ORÍLẸ̀-ÈDÈ OLÓMÌNIRA TIWANTIWA TI YORÙBÁ. Èyí tí ó sì wáyé ní ọjọ́ kéjìlá oṣù Igbe, Ẹgbàá-Ọdún ó lé Mẹ́rinlélógún.
Ìlú ÌBÀDÀN ni Olú-Ìlú àkóso fún ORÍLẸ̀-ÈDÈ OLÓMÌNIRA TIWANTIWA TI YORÙBÁ. Èdè wa, èyí tí ó rinlẹ̀ púpọ̀, Èdè Yorùbá, ni Èdè àkóso kanṣoṣo ní ORÍLẸ̀-ÈDÈ OLÓMÌNIRA TIWANTIWA TI YORÙBÁ.
Ìtumọ̀ àti àlàyé ohun tí ó njẹ́ Orílẹ̀-Èdè, fi hàn, gbangba, pé ìtànjẹ àti ìtúni-lọ́pọlọ-jẹ, gbáà, ni kí wọ́n máa pe Nàìjíríà ní orílẹ̀-èdè kanṣoṣo, tàbí kí wọ́n tilẹ̀ pèé ní orílẹ̀-èdè, tàbí kí wọ́n pèé ní ìlú kan. Nàìjíríà kìí ṣe Orílẹ̀-Èdè, kò sì leè jẹ́ orílẹ̀-èdè láíláí. Kò sí àyè mọ́, fún òtúbántẹ́ ètò-amúnisìn, ìnkan tí kò ní gbòngbò, ètò-amúnisìn tí wọ́n fi tú àwọn aráyé lọ́pọlọ-jẹ, tí wọ́n wá npèé ní
Nàìjíríà; kò sí àyè mọ́ fún ètò-amúnisìn yí láti díbọ́n pé orílẹ̀-èdè ni òun jẹ́. Lílo gbólóhùn “Orílẹ̀-Èdè” fún Nàìjíríà jẹ́ ìwà ìkà-ìmúnisìn, ó sì jẹ́ ìwà fífi ìyà jẹ ọmọ-ènìyàn àti fífi ìwọ̀sí lọ ọmọ-ènìyàn.
Ohun tó njẹ́ orílẹ̀-èdè ni ọ̀gọ̀ọ̀rọ̀ àwọn ènìyàn tí ìran kannáà, ìtàn kannáà, àṣà kannáà, àti èdè-abínibí babanlá-wọn pa wọ́n pọ̀, tí wọ́n sì ngbé agbègbè-ìbílẹ̀ kan, pàtó, tí ó jẹ́ tiwọn, tí ó sì ṣeé tọ́ka sí.
Dájúdájú, àwọn ìwà ìgbésùnmọ̀mí àti ìjẹgàbá, tí ètò-amúnisìn tí wọ́n npè ní Nàìjíríà, nhù, pẹ̀lú ìgbéraga àti àìnírònú, lórí Ilẹ̀ Aṣàkóso-Ara-Ẹni wa, èyí tí kò sì ní Àbùlà, ìwà wọn wọ̀nyí kò ní máa lọ bẹ́ẹ̀ pẹ́ títí. Ìdí ni pé ORÍLẸ̀-ÈDÈ OLÓMÌNIRA TIWANTIWA TI YORÙBÁ ti di Orílẹ̀-Èdè Olómìnira Aṣàkóso-Ara-Ẹni báyi. A sì ní Àwọn ẹ̀kúnrẹ́rẹ́ Ẹ̀tọ́ láti Ṣàkóso Ilẹ̀-Àjogúnbá wa tí kò ní Àbùlà, àti láti Dáàbò-bò-ó. ÌṢÀKÓSO-ADELÉ wa, ní ORÍLẸ̀-ÈDÈ OLÓMÌNIRA TIWANTIWA TI YORÙBÁ yíò ṣe Ìdáàbòbò fún Ìgbé-láàyè Ìran wa, àti Ìwà-títí-láí Ilẹ̀ Àjogúnbá wa, báyi àti títí láíláí.
ÌṢÀKÓSO-ADELÉ ORÍLẸ̀-ÈDÈ OLÓMÌNIRA TIWANTIWA TI YORÙBÁ, nfi Ìfitónilétí Yàjóyàjó yí ránṣẹ́ sí Ààrẹ Àjọ Bánkì Àgbáyé, wípé:
A gbọ́ wípé àwọn aṣojú Àjọ Bánkì Àgbáyé ṣe àbẹ̀wò sí ìpínlẹ̀ Èkìtì. Àti pé àbẹ̀wò náà dá lórí ètò Bánkì Àgbáyé kan tí ó wà nípa Ẹran-Ọ̀sìn (Livestock Productivity Resilience Support Project, L-PRES). Gẹ́gẹ́bí a ṣe gbọ́, wọ́n ní ẹ̀yin Bánkì Àgbáyé ti ṣe ìlérí láti lọ́wọ́ nínú òwò ẹran-ọ̀sìn ní Èkìtì, láti gbé ọwọ́ òwò-ẹran-ọ̀sìn sókè ní ìpínlẹ̀ náà. Gẹ́gẹ́bí ìfiléde náà ṣe gbé-e síta, a ṣe àkíyèsí wípé àwọn aṣojú Àjọ Bánkì Àgbáyé, ọ̀ún, wọ́n nsọ ọ̀rọ̀, ọ̀rọ̀ wọn sì nka àwọn Ìpínlẹ̀ Èkìtì àti Kogi gẹ́gẹ́bí ara àwọn Ìpínlẹ̀ ètò-amúnisìn tí wọ́n npè ní Nàìjíríà.
Tí a bá gbà wípé àwọn aṣojú Àjọ Bánkì Àgbáyé tí wọ́n fún ní iṣẹ́ ṣe ní ètò-amúnisìn tí wọ́n npè ní Nàìjíríà; tí a bá gbà wípé nṣe ni wọn ò mọ̀, pé, Ìpínlẹ̀ Èkìtì àti apá kan Ìpínlẹ̀ Kogi ti kúrò ní ara ètò-amúnisìn tí wọ́n npè ní Nàìjíríà, ìyẹn túmọ̀ sí wípé ẹni láti sọ fún àwọn aṣojú ọ̀ún báyi – Èkìtì àti apá kan Kogi kò sí nínú Nàìjíríà mọ́. Ní báyi, Ìpínlẹ̀ Èkìtì, àti apá kan lára Ìpínlẹ̀ Kogí, orí Agbègbè-Aṣàkóso-Ara-Ẹni tí kò ní àbùlà, tí ó sì jẹ́ ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, òun ni wọ́n wà.
Ní gbogbo ohun tí ó bá nííṣe pẹ̀lú Ẹ̀yáwó láti Bánkì Àgbáyé, tàbí Àgbékalẹ̀-Iṣẹ́, àti bẹ́ẹ̀-bẹ́ẹ̀ lọ, tí ó rọ̀ mọ́ Bánkì Àgbáyé, Àjọ Bánkì Àgbáyé nílò láti ṣiṣẹ́ lórí ọ̀nà tí ó jẹ́ pé gbogbo àkọsílẹ̀ yín á fihàn, gedegbe, pé, gbogbo àwọn Agbègbè Aṣàkóso-Ara-Ẹni, èyí tí kò sì
ní Àbùlà, tí ó sì jẹ́ pe ti ORÍLẸ̀-ÈDÈ OLÓMÌNIRA TIWANTIWA TI YÓRÙBÁ ni wọ́n jẹ́, kí gbogbo àkọsílẹ̀ Àjọ Bánkì Àgbáyé ó fihàn gedegbe pé wọn kìí ṣe ara ètò-amúnisìn tí wọ́n npè ní Nàìjíríà mọ́ o.
Ilé-iṣẹ́ nlá ni Àjọ Bánkì Àgbáyé. Wọ́n sì ní ọ̀pọ̀lọ́pọ̀ ìmọ̀ àti ọ̀rọ̀ nípa bóṣenlọ káàkiri ọ̀pọ̀lọ́pọ̀ ìlú ní àgbáyé. Nítorí òtítọ́ yí, Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, fẹ́ gba ara wa láàyè láti gbà wípé Àjọ Bánkì Àgbáyé mọ̀, wọ́n á sì ní òye tí kìí ṣe kékeré, pé, ORÍLẸ̀-ÈDÈ OLÓMÌNIRA TIWANTIWA TI YORÙBÁ kìí ṣe ara òtúbántẹ́ tí kò ní gbòngbò, ètò-amúnisìn tí wọ́n npè ní Nàìjíríà, a kìí ṣe ara wọn mọ́.
A fẹ́ kí Àjọ Bánkì Àgbáyé ó bọ̀wọ̀ fún Ìṣàkóso-Ara-Ẹni ORÍLẸ̀-ÈDÈ OLÓMÌNIRA TIWANTIWA TI YORÙBÁ, gẹ́gẹ́bí Orílẹ̀-Èdè Tuntun tí ỌLỌ́RUN OLÓDÙMARÈ bá wa GBÀ PADÀ.
Lọ́wọ́lọ́wọ́ báyi, a fẹ́ kí Àjọ Bánkì Àgbáyé ó ṣe àkíyèsí pé ORÍLẸ̀-ÈDÈ OLÓMÌNIRA TIWANTIWA TI YORÙBÁ, kìí ṣe ara ètò-amúnisìn tí wọ́n npè ní Nàìjíríà mọ́. Ẹ jọ̀wọ́ ẹ fi eléyi sí ọkàn nínú gbogbo ọ̀rọ̀ Ẹ̀yáwó tí ẹ bá nfún àwọn ètò-amúnisìn tí wọ́n npè ní Nàìjíríà.
Ààrẹ Àjọ Bánkì Àgbáyé, ÌṢÀKÓSO-ADELÉ, ORÍLẸ̀-ÈDÈ OLÓMÌNIRA TIWANTIWA TI YORÙBÁ, fẹ́ fi àkókò yí sọ pé, Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, ní ìgbàgbọ́ nínú kí ènìyàn fínnú-fíndọ̀ ṣe Ìdánimọ̀ fún ẹlòmíràn, kìí ṣe Ìdánimọ̀ tí ó l’okùn l’ọrùn, èyí tí yíò wá ti Àwa Ọmọ Ìbílẹ̀ Yorùbá pa sínú irúfẹ́ oko-ẹrú míràn.
Nítorí èyí, a nfi ìfitónilétí yí ránṣẹ́ sí yín, látàrí pé kí Ààrẹ Àjọ Bánkì Àgbáyé le mọ̀ ni, pé ORÍLẸ̀-ÈDÈ OLÓMÌNIRA TIWANTIWA TI YORÙBÁ jẹ́ Orílẹ̀-Èdè Aṣàkóso-Ara-Ẹni Tuntun, èyí tí ỌLỌ́RUN OLÓDÙMARÈ bá wa GBÀ PADÀ, kìí sìí ṣe ara ètò-amúnisìn tí wọ́n npè ní Nàìjíríà mọ́.
Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, ní Ìgbẹ́kẹ̀lé, pátápátá, nínú ỌLỌ́RUN OLÓDÙMARÈ, Ìgbàgbọ́ wa nínú ỌLỌ́RUN OLÓDÙMARÈ kò sì ní dójú tì wá láíláí.
Lọ́wọ́lọ́wọ́ báyi, ẹ jọ̀wọ́, ẹ bá wa sọ fún gbogbo àwọn Òṣìṣẹ́ fún Àjọ Bánkì Àgbáyé, tí wọ́n ngbé lórí Ilẹ̀ Àjogúnbá wa, pé kí wọ́n ṣe Ìyẹ́sí, kí wọ́n sì Bọ̀wọ̀ fún AGBÁRA ÌṢÀKÓSO-ARA-ẸNI wa. Ìbọ̀wọ̀-fún ÌṢÀKÓSO-ARA-ẸNI wa, òun ni a nbéèrè fún láti ọ̀dọ̀ gbogbo ènìyàn, pàápàá láti ọ̀dọ̀ àwọn tí ó ngbé lórí Ilẹ̀-Àjogúnbá wa.
Jọ̀wọ́, máṣe ṣàì náání Ìfitónilétí pàtàkì oní yàjóyàjó yí, pé ORÍLẸ̀-ÈDÈ OLÓMÌNIRA TIWANTIWA TI YORÙBÁ ti di Orílẹ̀-Èdè Olómìnira Aṣàkóso-Ara-Ẹni báyi; kìí sì nṣe ara ètò-àwọn-amúnisìn tí wọ́n npè ní Nàìjíríà mọ́.
Agbègbè Ilẹ̀ Àjogúnbá ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, ni èyí tí ó jẹ́ pé káàkiri Àgbáyé ni wọ́n ní Ìdánimọ̀ Àwọn Àlà-Ilẹ̀ wa. Ní apá Ìwọ̀-Oòrùn, ilẹ̀ wa fi ẹ̀gbẹ́ ti Bènin Republik. Ní apá Ìlà-Oòrùn, a fi ẹ̀gbẹ́ ti ibí tí ètò-amúnisìn tí wọ́n npè ní Nàìjíríà npè ní “South South”. Ní apá Àríwá, Odò Ọya ni ó ṣe àlà láarín àwa àti ètò-amúnisìn tí wọ́n npè ní Nàìjíríà. Omi Òkun, Gulf of Guinea, ni àlà wa ní Gúúsù.
Àwa Ọmọ Ìbílẹ̀ Yorùbá, ti ORÍLẸ̀-ÈDÈ OLÓMÌNIRA TIWANTIWA TI YORÙBÁ, a ní Ilẹ̀ Àjogúnbá wa, èyí tí ó sì ká gbogbo ibi tí a npè ní ÌPÍNLẸ̀ ÌBÀDÀN, ÌPÍNLẸ̀ ONDÓ, ÌPÍNLẸ̀ ÈKÌTÌ, ÌPÍNLẸ̀ Ọ̀ṢUN, ÌPÍNLẸ̀ ÒGÙN, ÌPÍNLẸ̀ ÈKÓ, ÌPÍNLẸ̀ ÌṢÀKÓSO ỌYỌ́ (OLD OYO EMPIRE – èyíinì, KWARA ÀTI APÁ KAN ÌPÍNLẸ̀ KOGI). Odò Ọya, èyí tí ó pínyà láarín Àríwá àti Gúùsù ètò tí àwọn amúnisìn kó jọ, tí wọ́n pè ní Nàìjíríà, odò ọya yí ní Àlà-Àdáyébá Ilẹ̀-Àjogúnbá wa, gan-an gan, ní apá Àríwá.
Ààrẹ Àjọ Bánkì Àgbáyé, jọ̀wọ́ ka àwọn àyọkà wọ̀nyí, èyí tí a mú jáde láti inú àkọsilẹ̀ tí àkọlé rẹ̀ njẹ́ “NÍ GBÍGBA ÌJẸ́-ORÍLẸ̀-ÈDÈ YORÙBÁ WA PADÀ, OGÚNJỌ́ OṢÙ BÉLÚ, ẸGBÀÁ-ỌDÚN Ó LÉ MÉJÌLÉLÓGÚN, Ìkéde Òmìnira Orílẹ̀-Èdè Yorùbá”
Nítorínáà, pẹ̀lú Oore-Ọ̀fẹ́ ỌLỌ́RUN OLÓDÙMARÈ, Àwa Ọmọ Ìbílẹ̀ Yorùbá sọ wípé, láti òní lọ, a ò ní ìbáṣepọ̀ kankan mọ́, pẹ̀lú Ìṣàkóso Àpapọ̀ Republík Nàìjíríà. Gbogbo àwọn ìbáṣepọ̀ nípa ìṣàkóso, láarín Àwa Ọmọ Ìbílẹ̀ Yorùbá, àti Àpapọ̀ Republík Nàìjíríà, ni ó di omi, pátápátá, láti òní yí lọ.”
“Ní Orúkọ ỌLỌ́RUN OLÓDÙMARÈ, Ẹni GÍGA JÙLỌ, Àwa Ọmọ Ìbílẹ̀ Yorùbá, ní ìsisiìyí, a já gbogbo okùn-ìbáṣepọ̀ láarín àwa àti ìṣàkóso Àpàpọ̀ Republík Nàìjíríà, nínú ohun gbogbo tí ó jẹ́ ti ìṣàkósó, àti ti ọrọ̀-ajé, a sì di Orílẹ̀-Èdè Yorùbá Olómìnira Aṣàkóso-Ara-Ẹni”.
Ààrẹ Àjọ Bánkì Àgbáyé, mo dúpẹ́ lọ́wọ́ rẹ pé o lo àkókò láti ka Àkọsílẹ̀ pàtàkì yí, èyí tí ó jẹ́ Ìfitónilétí ní Yàjóyàjó.
KÍ ỌLỌ́RUN KÍ Ó BÙKÚN ÀJỌ BÁNKÌ ÀGBÁYÉ, KÍ ỌLỌ́RUN KÍ Ó BÙKÚN ORÍLẸ́-ÈDÈ OLÓMÌNIRA TIWANTIWA TI YORÙBÁ
Pẹ̀lú Ìyẹ́sí Púpọ̀,
