Tí ìṣẹ́ àti ìyà bá wà nínú ayé ẹ̀dá, kò ní lè jẹ ohun tó bá wù ú, ṣùgbọ́n ohun tó bá rí ni yóò máa jẹ, yálà ó dára tàbí kò dára. Irúfẹ́ àwọn ohun àìríjẹ àti àìrímu báyìí ti di ohun ìgbàgbé nínú ayé I.Y.P ti D.R.Y.
Olódùmarè ló ṣe èyí fún wa nípasẹ̀ ìyá ìrọ̀rùn lóbádé, màmá wa, Modúpẹ́ọlá Onítìrí-Abíọ́lá (Olóyè Ìyá-Ààfin) tó rán sí ìran Yorùbá láti mú wa kúrò nínú ìnira, bọ́ sínú ìgbádùn àti ìfọ̀kànbalẹ̀.
Láti ìgbà tí Olódùmarè ti dá ìran Yorùbá ló ti fún wa ní oríṣiríṣi oúnjẹ tó jẹ́ wípé ilẹ̀ Yorùbá nìkan ni a ti leè rí irú rẹ̀. Àwọn oúnjẹ mìíràn wà tó jẹ́ pé,tí a bá sèé tán, à rí má leè lọ ni pẹ̀lú àwọn èròjà aṣaralóore àti af’áralókun, oúnjẹ ni ọ̀rẹ́ àwọ̀̀.
Ní báyìí tí ìgbà ọ̀tun ti wá dé fún wa yìí, gbogbo àwọn oúnjẹ ìbílẹ̀ wa tí a ti patì ni a óò padà sí nítorí pé, gbogbo wọn ni yóò wà ní àrọ́wọ́tó, oúnjẹ àsìkò ni a óò máa jẹ́, ebi ò tún pa ojúlówó ọmọ Ìbílẹ̀ Yorùbá (Indigenous Yorùbá People I.Y.P) ti D.R.Y kankan mọ́.
Oúnjẹ tó dára lásìkò tí kìí ṣe oúnjẹ ayédèrú tàbi èyí tí wọ́n fi èròjà olóró sí pẹ̀lú owó tí kò gunpá,bẹ́ẹ̀ ni ewébẹ̀ lorísìírísìí náà kò ní gbẹ́yìn. Ìwọ̀nyí àti àwọn mìíràn ni a óò jẹ́ ìgbádùn rẹ̀ ní orílẹ̀ èdè Olómìnira Tiwantiwa ti Yorùbá (D.R.Y).
Ìbùkún ni fún orílẹ̀ èdè mi, Orílẹ̀-Èdè Olómìnira tiwantiwa ti Yorùbá (Democratic Republic of the Yorùbá D.R.Y).
A kì í ní k’ọmọdé má d’ẹtẹ̀, tó bá ti lè dá’gbó gbé
