Ọmọ Ìbílẹ̀ Yorùbá (Indigenous Yoruba People, I.Y.P) ti Democratic Republic of the Yoruba (D.R.Y) ní ànfààní àti ẹ̀tọ́ láti fún’ra wa kọ Ìwé Òfin Orílẹ̀-Èdè wa.
Gẹ́gẹ́bí Màmá wa, Ìyá-Ààfin Modúpẹ́ Onítirí-Abíọ́lá, ṣe ṣe àlàyé fún wa, òfin tí ó dára jùlọ fún Orílẹ̀-Èdè wa ni èyí tí ó jẹ́ pé àwa ọmọ Ìbílẹ̀ Yorùbá (Indigenous Yoruba People, I.Y.P) gan-an-gan ló kọọ́: láti inú ìrírí wa, gẹ́gẹ́bí àṣà àti ìṣe wa, ohun tí ó bá ìṣẹ̀dá wa mu, àti bẹ́ẹ̀ bẹ́ẹ̀ lọ.
Nípasẹ̀ ètò yí, òfin Orílẹ̀-Èdè D.R.Y yóò jẹ́ èyí tí ó ti ọwọ́ ara wa jáde, gẹ́gẹ́bí ojúlówó Ọmọ Ìbílẹ̀ Yorùbá (I.Y.P).
Àkókò ṣì ńbọ̀ tí àwọn aṣojú wa máa jóko láti gbé àwọn àbá wa gbogbo yẹ̀wò, láti mọ̀ èyí tí apapọ̀ ọmọ Yorubá fọwọ́ sí gẹ́gẹ́bí òfin.
