Ètò Ìwòsàn
Fún gbogbo ọmọ ìbílẹ̀ Yorùbá (I.Y.P) ní ilẹ̀ Yorùbá, ọ̀fẹ́ ni àkànṣe ètò ìwòsan tí ó pé’ye.
Ètò ìwòsàn ní Orílẹ̀-Èdè Olómìnira Tiwantiwa ti Yorùbá, gẹ́gẹ́bí ìyá wa, Ìránṣẹ Olódùmarè, Ìyá-Ààfin Modúpẹ́ Onítirí-Abíọ́lá, ṣe máa nsọ fún wa, Àrà Ọ̀tọ̀ gbáà ni ó máa jẹ́.
Ní àkọ́kọ́, ohun tí Màmá wa fi yé wa, ni pé, kò ní sí ikú ti “a ò rí oògùn rà;” tàbí, “a ò ní owó tí a máa san ní ilé-ìwòsàn;” irúfẹ́ ohun bẹ́ẹ̀ yẹn á ti di ti àtijọ́, tí Ẹlẹ́da wa kò ní jẹ́ k’á rí irú rẹ̀ mọ́.
L’ati ìbẹ̀rẹ̀ ni Màmá wa ti fi yé wa, pé, ọ̀fẹ́ ni ètò ìwòsàn fún gbogbo ỌMỌ ÌBÍLẸ̀ YORÙBÁ ní Orílẹ̀-Èdè Olómìnira Tiwantiwa ti Yorùbá! Èyí túmọ̀ sí pé kò sí ọmọ ìbílẹ̀ Yorùbá kankan, láti inú oyún dé arúgbó t’á sọ pé ìyà àìsí ìlera jẹ òun látàrí àìní owó! Ìyẹn di àfìsẹ́hìn tí eégún nfi’ṣọ.
Bẹ́ẹ̀ náà ni ìyá wa ti sọ fún wa pé gbogbo ohun tí ó máa mú ìwòsàn wá fún ọmọ ìbílẹ̀ Yorùbá ni a máa ṣe – àwọn ìmọ̀-ìjìnlẹ̀ àjogúnbá láti ọ̀dọ̀ àwọn babanlá wa; àti pàápàá, àwọn ohun tí ó jẹ́ pé àgbáyé kòì tíì rí ìwòsàn fún tẹ́lẹ̀, Màmá wa fi dá wa lójú pé, láti ọ̀dọ̀ ìran Yorùbá, ní Orílẹ̀-Èdè Olómìnira Tiwantiwa ti Yorùbá, ni wọ́n ti máa rí ìyanjú sí àwọn àìsàn tàbí àrùn bẹ́ẹ̀.
Ìtọ́jú fún ọmọdé
Ìtọ́jú fún àgbàlagbà
Ṣé a ò kúkú lè sọ̀rọ̀ ètò ìwòsàn kí á má f’ẹnu ba àwọn òṣìṣẹ́ ìwòsàn. Èyí ni ó máa jẹ́ kí á m’ẹnu lé ètò ẹ̀kọ́ fún àwọn òṣìṣẹ́ ìwòsan! Kò ní dàbí ibi tí a ti mbọ̀ o! Rárá! L’akọ́kọ́, kìí ṣe ọ̀rọ̀ mo kàwé t’oyìnbó, tàbí mi o kàwé tòyínbó!
A ti ní ètò ìwòsàn ní ilẹ̀ Yorùbá kí òyìnbó ó tó dé; ètò ìwòsàn tiwa kò dẹ̀ gb’ẹhìn l’ẹbá t’òyìnbó, ṣùgbọ́n ohunkóhun tí á bá rí múlò láti ibòmíràn káàkiri àgbáyé ni a máa lò, tí ìmọ̀-ìjìnlẹ̀ ti ìbílẹ̀ wa nípa ìwòsàn á sì jẹ́ ìpilẹ̀ṣẹ̀ àti àṣepé ohun gbogbo ní ètò ìwòsàn wa.
Èyí túmọ̀ sí pé kò sí ètò ìwòsàn kan, ní dídára, káàkiri àgbáyé (yàtọ̀ sí àwọn tó jẹ́ àkóbá ni wọ́n fi nṣe) tí kò ní sí irúfẹ́ rẹ̀ ní Orílẹ̀-Èdè D.R.Y, bẹ́ẹ̀ ni ọ̀pọ̀lọpọ̀ tí kò sí ní ibi kankan ní àgbáyé, Orílẹ̀-Èdè Yorùbá ni ẹ ti máa ri.
L’atàrí ìtọ́jú tó péye (èyí tí ètò ìwòsàn tó yanrantí wà nínú rẹ̀), Màmá wa ti sọ pé ọmọ ọgọ́run ọdún tí ó jẹ́ ọmọ ìbílẹ̀ Yorùbá, ní Orílẹ̀-Èdè Olómìnira Tiwantiwa ti Yorùbá, máa dàbí pé ọ̀dọ́ ni.
Bẹ́ẹ̀ náà ni Màmá wa ti fi dá wa lójú pé, àwọn ọmọdé wa, láti inú oyún, máa ní ètò ìwòsàn àti ìtọ́jú àrà-me-rí-rí, nítorí ohun tí Olódùmarè fi jínkí wa ní ilẹ̀ Yorùbá, ó tó bẹ́ẹ̀, ó ju bẹ́ẹ̀ lọ, láti lè ṣe ètò ìwòsàn tó péye fún wọn.
Nínú ètò ìwòsàn àti ìlera D.R.Y, kò sí àyè fún ayédèrú tàbí àdàmọ̀dì óògùn ní Orílẹ̀-Èdè wa, bẹ́ẹ̀ ni kò sí ìwà kí á máa sọ̀rọ̀ sí aláìsàn bíi pé kìí ṣe ènìyàn!
Orílẹ̀ èdè aşakóso ara ẹni ni Orílẹ̀ èdè Olóminira Tiwantiwa ti Yorùbá, òhun náà ni wọn ń pè ni Yorùbá Nation, Yorùbá Kingdom, Yorùbá Land, Yorùbá Country ní àtijọ́, ó ti di D.R.Y láti ọjọ́ kejìlá oşù igbe egbàáodún-ó-lé-mérinlélógún. Ní báyìí, o ti di ẹsẹ fún ẹnikẹ́ni láti sọ wipé óhún fẹ́ gba Yorùbá Nation nitori kò sí ohun to ń jẹ́ bẹ́ẹ̀ mọ. D.R.Y nikan ló wà, gbogbo wọn ti wà lábẹ́ D.R.Y. ẹnikẹ́ni tó bá pe Yorùbá Nation lái pe D.R.Y, èṣe ni fún irú ẹni bẹẹ. Ohun Yòówù kí o pe Orílẹ̀ èdè Yorùbá lái fi D.R.Y si, ọ̀ràn dídá ni o, yálà o fẹ́ sọọ l’ọrọ ni tabi kọọ lórin, lái fi D.R.Y si, o ti da ọ̀ràn lábẹ́ òfin àgbáyé àti lábẹ́ orílẹ̀ èdè Olóminira Tiwantiwa ti Yorùbá, mi ò mọ̀ kò sí nibe o. Nítorí náà, ẹnikẹni tó bá fé sọrọ nipa orílẹ̀ èdè D.R.Y ko jẹ́ ko mọ ohun lára, kó má pè é ní orílẹ̀ èdè Yorùbá nikan lái fi D.R.Y si. Ibikíbi tí a bá ti gbọ irú ọrọ bée ki ẹni náà mọ wipé ohun ti dáràn!
Ìṣàkóso Ètò Ìmòjútó Ará-Ìlú D.R.Y
Àwọn Ẹ̀ka D.R.Y
Ìròyìn Òmìnira Ojoojúmọ́
© Copyright 2024 Nípasẹ̀ Alákóso Orílẹ̀-Èdè Olómìnira Tiwantiwa ti Yorùbá